Balagna
Da i valli di l’Ascu, duva regna a muvra, simbulu altu di a Corsica muntagnola, sinu à l’Agriate è à a valli di u Fangu, l’incantu di i tarri di Balagna hè una cirtezza.
Cù i cimi i più alti à l’urizonti, i so paesi attraenti, cù certi chì datani di a Meza Età, supraneghjani u mari spampillulenti. A cantu à i dui cità di a costa – Calvi è Lisula – ci truvareti longhi marini di rena fini è calati salvatichi, sinu à u golfu chietu di Galeria, più in ritiru ver’di u meziornu.
“St’isula ind’è l’isula”, luminosa è rifriscanti, hè pruspera dipoi i tempi di i tempi. Culori è parfumi invadiscini u dicoru di sta terra di cultura : l’alivu è a vigna (cultivati dipoi l’antichità), l’arbureti d’amanduli è di prasculi, i piantazioni maiò di murelli…U pasturalisimu ci teni dinò una piazza maiò. Rinumati pà u so spiritu criativu, i Balanini sò à u cori d’una dimarchja di rivalurizazioni di i mistieri antichi. Dipoi una cinquantena d’anni, s’hè sviluppatu quì un artighjanatu d’arti, chì hà datu torna à i paesi una dinamica esemplaria.
Da veda è da fà:
I scontri di canti pulifonichi di Calvi. U festivali « Estivoce » (i più belli voci di u mondu). A riserva di biusfera di u Fangu. A furesta di Bunifatu. U parcu butanicu di Saleccia. I numarosi ghjesgi è cappelli d’arti rumanu è baroccu. I spassighjatti à pedi nantu à 250 chm di stradi riabilitati. A Muntagna di l’Organi (visiti guidati, scuparta patrimoniu, parcorsu iniziatichi è musicali). U golfu di u Reginu. A prima edizioni di u SoMeRo (campiunatu di u mondu di i « social media managers »)...
Da ùn mancà:
- I Ghjurnati di i sapè fà, d’aprili à u parcu butanicu di Saleccia.
- A fiera campagnola di Santa Restituta, à a fini di maghju in Calinzana.
- A fiera campagnola Fiera di l’Alivu, à a mità di lugliu in Montegrossu.
- A festa di i vignaghjoli di Balagna A San Vincente, à a fini di lugliu in Calvi.
- A fiera campagnola Fiera di l’Amandulu, à u principiu d’aostu in Aregnu.
- A fiera di Lisula, à u principiu d’uttrovi.
- A fiera di i mistieri di u focu è di l'artighjanatu Fiera di u Focu, à a mità d’aostu in Costa.
- A STRADA DI L’ARTIGHJANI, A STRADA DI I VINI
Infurmazioni :
www.balagne-corsica.com / Office de pôle / Calvi +33 (0)4 95 65 16 67
