Aghjugna à u vostru librettu di strada

Domaine ORSINI

Vini AOP Calvi – Licori – Apperitivi – Acquavita – Cunfitturi – Cunfisaria

Accolta : Tutta l’annata / 9 ori- meziornu è 2 ori di sera – 8 ori di sera

I tarritorii : Balagna

I catigurii : I vini, È dinò…

I pruduzzioni agriculi : I Vini di Corsica

Veru tempiu di dulcezzi, u Domaine Orsini dumineghja a piaghja di Calinzana. Dopu avè passatu un purtonu maistosu, u visitatori entri ind’i tarri di a prupietà maiò di Tony Orsini. U maestru di i lochi ghjistisci issu patrimoniu dipoi 50 anni – a sesta generazioni ! Cun ellu, s’urganizeghjani a ristrutturazioni di u vignetu di 68 ettari è a messa in piazza d’un parcorsu agriculu duva tuttu hè pruduttu sopra à locu. Azzioni chì diventani a so lotta ! Ma parò, Tony ùn si scorda di i so radichi.

« Socu nanzi à tuttu un paisanu, fieru di a so tarra è cuscenti di u so putinziali », ci dici cù cirtezza. Da sta tarra lucali, ricaccia una mansa di sapori : 850 rifarenzi sò pruposti à u bocchifinu maravigliatu ! Chì pudarà apprizzià dinò una tastera di vini ind’un spaziu chì pò accoglia sinu à 750 parsoni !

Pà crià sta « Catedrala di l’Ingurdizia Muderna », Tony s’hè missu à travaglià duru, à pinsà una strategia ecunomica, fundata nantu à a qualità di i so pruduzzioni. Una vuluntà di farru è un ardori…di farru ! Ma « Roma ùn s’hè fatta in un ghjornu », com’è lu si dici è u travagliu d’un mezu seculu di st’omu è di a so squadra palesa bè chì hè pussibuli d’agiscia è di custruiscia à u nomi di i so ideali.

Tuttu hè quistioni di tenacità, di riescita è di cirtezzi !