I Meli di Corsica
Piglieti gustu à a machja!
I meli di Corsica in Appellation d’Origine Contrôlée et Protégée (AOC/AOP) offrini una diversità maiò di muschi è di sapori
Issa sputichezza si sprimi par via d’una tarra lucali particulari è identificata :
- A vegetazioni corsa : salvatica, naturali è endemica ;
- L’aba corsa : adatta à i cundizioni climatichi è giugrafichi di l’isula ;
- L’omi : a pruduzzioni di meli hè isciuta d’un sapè fà anticu chì spechja i fiurimi cumplessi è varii di a Corsica
L’AOC/AOP meli di Corsica si prisenta com’è un listinu di variità cù i nomi siguenti :
- Branu : dolci, fiurali, chì senti u fruttu. Hè coltu à parta da u mesi di maghju in i vaddi bassi è a piaghja.
- Machja di branu : gustu di caramellu è di caccaò. Hè coltu duranti u branu, da u mari à a muntagna.
- Melati di a machja : maltu, pirsistanti, longu in bocca. Si cogli da maghju à sittembri in i lochi buscosi, a machja, i liceti è i stesi di muchji.
- Castagnetu : tannicu è longu in bocca. Si cogli da a fini di ghjugnu à sittembri in i lochi di castagni.
- Machja d’istati : aromaticu è chì senti u fruttu. Si cogli à parta da u mesi d’aostu ind’i vaddi alti di a muntagna corsa.
- Machja di vaghjimu : amaru è forti in bocca. Issu meli, cù u gustu di l’albitru, hè coltu da nuvembri à farraghju.
Spiazzendu i bugni da u mari à a muntagna à u filu di i staghjoni, l’apicultori corsi coglini un meli chì spechja un paisaghju, una staghjoni, un fiurimi è un prufumi urighjinali. Da i più dolci à i più amari, à quandu dilicati, à quandu pirsistenti, i meli di Corsica incantarani sempri u vostru palaticu
