Dui Sevi-Dui Sorru - Cruzini - Cinarca
Golfi è scogli di granitu rusinu rimarchevuli santuarizati è scritti à u patrimoniu mundiali da l’Unesco. Più insù : furesti di pini lariciu, spisci è vaschi naturali cù acqui cristallini. È po castagni, mizanii custrutti in tarrazzi, arbureti, orti cultivati. À scorra i stradi, a dulcezza di u clima stimuleghja i prufumi di muredda, di mortula, d’arba barona, di muchju, de soliu ! Issu paradisu hà un gustu di filicità.... ma dinò di cennari, ni poni tistimunià i numarosi torri è furtini ghjinuvesi chì prutighjiani a pupulazioni da l’invasioni di i pirati è i paesi duva si senti sempri u spiritu di i signori di i tempi passati.
Hè cù fiertà chì certi ammintarani a so storia è a so tarra lucali ! Parchì quì, artighjani, pruduttori di casgiu, di meli, di vinu, d’oliu d’aliva, d’olii essenziali, di robba purcina, di farina di castagna è di cunfisaria fatta cù a castagna...vi darani a prova di ciò ch’edda hè una passioni scema. Quidda di a Tarra.
Da veda... Da fà
A riserva naturali di Scandula, i golfi di Portu è di Girulata, u furtinu di Girulata, i calanchi di Piana, u ponti ghjinuvesi d’Ota, u museu di a Scopa (Portu), a furesta d’Aitone, u lavu di Crenu, i spisci è vaschi naturali, u Monti Rutondu, u cunventu San Francescu (Vicu), i ghjesgi (à puntu i 2 ghjesgi di Carghjese, l’una di ritu latinu, l’altra bizantina), u Castellu di Cinarca (situ midievali), i bagni de Guagnu cù i so acqui sulfurosi rinumati, a torra d’Ancone, a Punta di a Spusata, i tragoni di a Spilonca...
Da ùn mancà...
- I marcati di pruduttori.
- I scontri trà cunfraterni, u 31 di lugliu in Piana.
- A fiera campagnola di A Tumbera, di dicembri in Rennu.
- A fiera campagnola di San Roccu, à a mità d’aostu in Rennu.
- A fiera Mele in Festa, fini di sittembri in Murzu.
- A Festa di u Marroni, fini d’uttrovi-principiu di nuvembri in Evisa.
Infurmazioni
www.cargese.net / Office de pôle +33 (0)4 95 26 41 31
www.porto-tourisme.com / +33 (0)4 95 26 10 55
www.otpiana.com / +33 (0)9 66 92 84 42
