Aghjugna à u vostru librettu di strada

Michel MATTEUCCI

A SOCCIA

Accolta : Tutta l’annata.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Dopu avè scumbattutu più di trenta anni ind’i mutori di vitturi, Michel Matteucci hà sceltu di barrattà i pistoni pà i prisutti ! Ascultemi i raghjoni di sta mutazioni : « Aviu un garasgiu chì marchjava bè è impiigavu guasgiu quindici parsoni ma, dopu à trenta anni di mistieru, mi trigava di passà à altri affari, è di fà un mistieru più in leia cù i me brami. Ind’a me ricunvirsioni, aghju avutu a furtuna di scuntrà un allivatori purcinu di a Soccia chì t’avia una spirienza trimenda, è chì hà accittatu di tramandà la cù larghezza. Tuttu u me sapè fà attuali veni da ellu ! »

Quandu si fighjula à Michel Matteucci batta à mezu à i so animali, si vedi un omu felici è spannatu. « A sapeti, ancu s’è u travagliu ùn hè micca sempri faciuli, ùn aghju micca l’imprissioni di travaglià ma piuttostu di campà di a me passioni. Issa nuvella vita hè una vera furtuna pà me ! In issu mistieru, ogni staghjoni di l’annata currispondi à un’attività particulari è i trè mesi di macillera sò duri, ma par quillu chì l’hà scelta, issa vita ind’a natura hè viramentu dilittosa. » Si pudarà imaghjinà d’avè una preritirata cusì parfetta ?