Casinca - Castagniccia - Costa Verde
À u meziornu di Bastia, nantu à a costa Este…Un tarritoriu cuntrastatu, duva ci hè l’acqua in grossu è i tarri pruducini bè. Prima, a piaghja di A Casinca, supranata da paesi incantevuli posti à mezu à l’arburatura com’è finestri aparti ver’di u mari. Chjamata « Granaghju di Roma » ind’ì l’antichità, hè sempri oghji a sintinedda di a pruduzzioni urtulana è fruttiva di l’isula.
Cuddendu versu l’internu di i tarri, hè u castagnu chì regna com’è un rè. I paesi maistosi di a Castagniccia sò tistimonii d’un passatu famosu fundatu à nantu à splutazioni di u castagnetu chì ferma oghji l’attività principali di sta righjoni. A Costa Verde hè u locu induva a vicinanza mari-muntagna hè a più grandi ; parechji artighjani è pruduttori si sò stallati ind’i so trè Pieve ; i so pruduzzioni sò varii, ma hè a nuciglia di Cervioni chì supraneghja cù un’ IGP !
A Casinca è a Costa Verde sò carattarizati ind’u particulari da un’agrumicultura in pienu sviluppu .
Da veda... Da fà
I siti riperturiati, i cappeddi rumani di a Casinca, u museu dipartimentali Pascal Paoli, u museu d’arti è di tradizioni pupulari di l’ADECEC, i cunventi di i trè Pievi di Castagniccia è di a Costa Verde, i forni, funtani, fiumi, spisci, u Parcu Galea, i siti Natura 2000 (muntagna di u San Petrone, situ di Mucchiatana, duni di Prunete Canniccia), i spisci rinumati di l’Ucellunile è di a Struccia, a stazioni termali di l’acqui d’Orezza, chì data di l’epica rumana...
Da ùn mancà...
- I marcati di i pruduttori.
- A fiera di San Brancà, à u mesi di maghju in Castellare di Casinca.
- A fiera campagnola di a Bocca di Pratu, à a fini di lugliu.
- U picculu marcatu d’Arcarota, ogni dumenica di i mesi di lugliu è d’aostu.
- A fiera campagnola di a Castagniccia, lugliu in Pedicroce.
- A fiera di a Nuciglia, aostu in Cervioni.
Infurmazioni
www.castagniccia-maremonti.com / Office de pôle / Tél : +33 (0)4 95 38 41 73
www.castagniccia.fr / Tél : +33 (0)4 95 33 38 21
