Aghjugna à u vostru librettu di strada

François FANTONI

Maison de la Vigne

Stanzi d’ospiti

Accolta : Tutta l’annata à nantu à riservazioni (chjusura annuali da u 15 di dicembri sinu à u 15 di ghjinnaghju).

I tarritorii : Casinca - Castagniccia - Costa Verde

I catigurii : I toli & stanzi d’ospiti, ustarii agriculi & alloghji campagnoli

François Fantoni parti da l’isula nativa in u 1985 pà pruvà à sbruglià si in Haute-Savoie. Ghjuntu ch’ellu hè in Annecy, capisci subitu subitu chì u soli è u mari sarani dui cumpunenti di primura di a so vita à vena ! È s’avvia tandu ver’di l’isula di a Riunioni ! In Saint-Denis, scontra à Fabienne, una ghjovana stututrici. Uniti da u gustu di i sapori è di a cucina sputica, insemi creani l’Agape, una buttrega fina cù tastatura di prudutti lucali, scuparta di i sapè fà isulani, ma dinò impurtazioni di i prudutti corsi !

Diciosetti anni dopu, u coppiu volta in Corsica cù a so figliola Zoé. Nantu à u tarrenu famigliali di a famiglia Fantoni – stu tarrenu cugnumatu da sempri “La Vigne” par via di uni pochi di calzi di vigna posti da l’antichi – hè custrutta, in 2009, una casa dissignata è cuncipita sana sana da François è Fabienne. “Era impurtanti pà noi di tena u spiritu ‘paisanu’, cù a prisenza di u legnu, a stufa, u sciaminè, spiega u maestru d’opara. Quissa dà à u locu un aspettu piacevuli, intimu, sirenu, di primura pà una casa d’ospiti”, aghjusta Fabienne chì faci dinò pà i visitatori, cunfitturi diliziosi cù frutti di staghjoni.

Paradisu piattu in cori di i lecci, a Maison de la Vigne offri tutta a paci è u benistà à u viaghjanti in brama di simplicità !