U viteddu di Corsica
Di più culori, di più savori
Prisenti nantu à l’insemi di tarritoriu isulanu, in piaghja è in muntagna, l’addevu vaccinu hè di regula estensivu. I bandi sò purtati à l’aria pura ind’i prati o nantu à parcorsi.
Addivatu sottu à a mamma, u viteddu corsu cresci ind’a natura, in libertà, valurizendu i risorsi naturali di l’ambienti.
Gustu sputicu, savori è culori rusulinu di a carri sò u fruttu di sta bedda tradizioni d’addevu. Di fatti, hè u cunsumu d’arba è di vegetazioni di a machja chì dà à a carri di viteddu corsu, issu culori cusì sfarenti nantu à i banchi è chì l’attribuisci issu sapori particulari.
Cotta à u focu, arrustita à u fornu o simpliciamenti abbrustulita, a carri di viteddu corsu rendi u so gustu sputicu è prufumatu.
U viteddu corsu hè cummircializatu dapoi 2008 sottu à a marca cullittiva « Corsicarne ». Si tratta d’una dimarchja interprufissiunali chì guarantisci chì l’animali hè natu, addivatu è tumbatu in Corsica.
Sceglia a marca « Corsicarne », hè fà cunfidanza à prufissiunali chì ani invistitu nantu à a qualità d’un pruduttu lucali sputicu.
