Aghjugna à u vostru librettu di strada

Jean-Darius LUCIANI

E Tramizolle

FURMAGLIU PICURINU CASANU BROCCIU AOP ALLEVU VACCINU

Accolta : Da nuvembri à lugliu, 8 ori - 1 ora.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, U viteddu di Corsica

CASAMACCIOLI
20224 Casamaccioli
  04.95.48.09.94 |   06.10.09.19.70

Pigliendu a Strada di i Sensi, scuntrareti à spessu ghjenti chì ùn ani micca sempri un parcorsu prufissiunali lineariu è umugeneu, ma un parcorsu fattu piuttostu di cansati, o ancu di rumpituri ghjustificati ognitantu da u bisognu di vultà à l’urighjini pà certi o da una brama simplici di ricunvirsioni pà d’altri. Ma nantu à a listessa via, scuprareti dinò pruduttori chì ani un parcorsu prufissiunali liatu dipoi sempri à a tradizioni famigliali.

Hè di sicuru u casu di Jean-Darius Luciani, a so vucazioni pasturina pari ricullà ind’i tempi di i tempi :

« U me babbu, u me missiavu, i me antenati erani allivatori nanzu à mè è i me dui figlioli pigliarani a rilleva dopu à mè. Un’ sò micca divintatu pastori, socu natu pastori è basta ! »

Tandu ùn ci vò à stunà si s’è in issa famiglia, da babbu in figliolu, ogni gestu di ‘i faccendi d’ogni ghjornu’ pari naturali è trasmissi da i tempi di i tempi. I Luciani sò à tempu l’attori è a ghjenti di l’epupea pasturali di u Niolu.