Aghjugna à u vostru librettu di strada

Ghjuvan Carlu et filles ALBERTINI

Salameria Corsa

SALAMERIA AOP

Accolta : da dicembre à lugliu pigliendu appuntamentu.

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Felicia è Marie-Pierre sò a sesta generazione d’agricultori di a famiglia Albertini. Nate in Loretu di Casinca, u paese, cusì caru per elle, hè ricunnisciutu per a qualità di a so carne purcina. Anu amparatu tuttu da u babbu Ghjuvan Carlu. Zitelle guardendu i gesti è e tecniche ; aduliscente fendu da per elle a coppa, u lonzu è u figatellu ; maiò fendu a sperienza di l’allevu. “Fà è fà, hè sta tappa ch’è no ùn cunnisciamu micca”, dice Felicia, a primanata.

À principiu, ci hè dunque vulsutu à adattà si è à capisce u cumpurtamentu di l’animali. È avà, à treminduie, hè u nostru mumentu preferitu ! aghjusta Marie-Pierre E duie surelle s’avvianu versu l’eccellenza di a so pruduzzione è a valurisazione di u travagliu fattu.

È per què, ponu cuntà nantu à u sustegnu indefettibile di i soii. À u maneghju, Félicité, a mammone, chì ùn pianta dapoi quaranta anni di trasfurmà e sfarente pruduzzione. Ben’intesa a salamaria tradiziunale ma dinò casgi di tutte e mamme : u casgiu di porcu, caprunu, pecurinu è ancu unu fattu incù u latte di vacca ! Josiane, a mamma, hè, ella, in cariga di a vendita è di l’accolta di i visitadori. Un’urganisazione chì viaghja bè, incù una leia di donne di a famiglia cumbattiva è sulidaria !