Aghjugna à u vostru librettu di strada

Jean-Valere et Jacques-François GERONIMI

Pratali

Urtulimu Biò – Oliu d’aliva AOP - Cunfitturi - Cundimi

Accolta : Da ghjugnu à aostu tutti i dui ghjorni, 2 ghjorni à simana l’altri mesi.

I tarritorii : Casinca - Castagniccia - Costa Verde

I catigurii : È dinò…, In ghjiru à l’alivu è u castagnu, In ghjiru à l’arbureti è l’orti

I pruduzzioni agriculi : Oliu di Corsica, I frutti è ligumi di Corsica

U missiavu maternu di Jean-Valère Geronimi cultivaia i chivì. Ma u sfundamentu di u marcatu hà fattu piantà a splutazioni fruttiva in 2001. Cusì sò radichi fondi è landani ind’u tempu chì uniscini u ghjovanu Jean-Valère à sta tarra lucali, à u puntu chì « ùn privedi micca di fà un’ antra attività ».

Trè anni fà, dopu à una furmazioni agricula in Hyères, principia à durrudà i tarreni famigliali. Dicceppa cù curaghju i tarreni machjosi, po s’intaressa à u duminiu uleiculu. Amatori d’oliu d’aliva, u so babbu ci hà postu quattru ettari d’alivi pà una pruduzzioni parsunali. « Una campa, dici Jean-Valère, chì ùn hè mai faciuli quand’ellu si principia. Manca a spirienza, si perdi assai tempu. Ghjugna ind’un arburetu dighjà pruduttivu…. un veru cunfortu ! »

A strada ver’ di a tarra hè stata menu dritta pà u so frateddu maiò Jacques-François (prununcieti  Ceccè). Titulariu d’un Master d’ecunumia, Ceccè travaglia un certu tempu com’è spertu immubiliari nanzu di capiscia chì issa attività ùn currispondia à i so brami. Oghji in furmazioni à u liceu agriculu di Borgu, hà righjuntu Jean-Valère chì si ni rallegra. « Semi cumplimintarii. A cullaburazioni s’hè fatta di modu naturali.» Insemi, i frateddi sfruttani sei ettari d’alivi è quattru ettari d’urtaglia in agricultura biulogica.

L’unioni fraterna hè a so forza !