Aghjugna à u vostru librettu di strada

Muriel CRESTEY

REALIA

Tinuta cusmetica

Accolta : Scuparta sinsitiva di i pianti è puntu di vendita / da mità ghjugnu à mità sittembri, da u luni à u vennari, 9h00-18h00 / fora di staghjoni nantu à appuntamentu. Curi di a faccia è di a parsona l'annata sana.
Estate : ghjurnate di i sensi billezza e benistà 2 volte à mese

I tarritorii : Casinca - Castagniccia - Costa Verde

I catigurii : Cultura/natura/binistà/passatempi

I pruduzzioni agriculi : L’olii essenziali corsi

Ind’a tinuta agricula di Cervione, nisun rimori di mutori – malgradu a vicinanza di u stradonu 198 – ùn veni à disturbà u visitanti piattu ind’ì st’arburatura à mezu à i chivì. Quì in 2003, Muriel Crestey faci a scelta di cultivà trè ettari d’alivi cù un prughjettu bè difinitu : trasfurmà u so oliu in cusmeticu.

Ingignera agricula è titularia d’un DESS cusmetulugia uttinutu à Liege in Belgica, lancia in 2004, un primu rigistru di novi curi. Hè nata Realia ! Da quì à pocu, trè nuvità vinarani in più di i vintidui prudutti dighjà prisenti ind’a marca.

Muriel cunnosci bè u mondu agriculu da duva sò isciuti i so missiavi è minnanni. In 1995 diventa a prima salariata di l’associu righjunali di sviluppu di l’agricultura biulogica (Civam Bio Corse) in San Giulianu. « Sta spirienza, hè un pocu u riassuntu di a storia agricula in piaghja. Oghji, ci stallu a me attività. ». Sta dunnetta s’arricorda di u travagliu pinibuli cutidianu di a so famiglia. « Hè vera chì u ricordu chì t’aghju di u travagliu di a tarra ùn hè di i più allegri, ci dici, ma sò sempri stata cunvinta ch’e principiariu ind’ì l’agricultura di modu autonumu, aghjusta edda subitu. Cercu u valori aghjustatu d’un’essenza. Hè a me manera di milità. Socu sempri allegra quandu vecu i dimarchji novi ind’u rispettu di u tarritoriu. »

I tissituri fini, fiminili è muderni di i curi Realia ni sò quì a prova !