Aghjugna à u vostru librettu di strada

Jean-André SANTINI

Furmagliu caprunu

Accolta : Da a mità aprili à a mità di lugliu, u dopu miziornu nantu à appuntamentu

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Hameau Orneto - Velone Orneto
20230 Velone Orneto
  04 95 38 25 62 |   06 03 18 40 97
  jean-andre.santini0826@orange.fr

In u 1988, quand’eddu volta d’Ecchisi induva era internu, u liceanu Jean-André Santini dicidi di suvità una furmazioni agricula in U Borgu. Bisfigliolu d’agricultori, hà avutu in lascita una lenza è li voli renda fiatu. U prughjettu, missu da cantu uni pochi d’anni, diventa rialità in u 2006 quandu Jean-André s’impegna in a trafila capruna. Ci dici schirzendu : « Forsi chì ùn avia tantu riflessu ! »

Dopu à un certu tempu s’hè avvistu chì sta scelta hè stata quidda chì currispundia u più à u so carattaru è à i so brami. Jean-André ùn hà paura di travaglià senza richetu chì hà passioni è pacienza. Ùn ci hè tantu tempu par i sciali ma li basta ad essa u so patronu è à campà sempri cù a natura par essa felici. In più, ci sò sempri i cunsigli preziosi di Thérèse, a minnanna di i parti di babbu, chì l’accumpagna è li trasmetti un sapè fà anticu. Ùn si poni spiccà è si capiscini, insemi faceni un casgiu nustrali chì à tastallu si senti u sapori di u latti pruduttu da a banda di i 150 capri.

Quandu li si dumanda ciò ch’eddi sò i so mutivazioni, Jean-André si faci pinsosu : « À u principiu si prova à truvà un sensu à ciò ch’è no femu. Si cerca, si prova, certi volti ci sbagliemu ! Po cù a pratica si cumencia à capì. È un ghjornu, infini, si sà : u sensu l’avemu cù u nostru spannamentu. » Po cuncludi, mintuvendu i paroddi d’un vechju amicu, un pastori di a pievi : « U più u facciu stu mistieri, u più mi pari chì più beddu ùn ci n’hè ! »
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).