Aghjugna à u vostru librettu di strada

Béatrice BONHOMME

Atelier Béatrice Bonhomme

Artista pittori

Accolta : L’annata sana nantu à appuntamentu

I tarritorii : Casinca - Castagniccia - Costa Verde

I catigurii : L’artighjani

Entra ind’è l’attellu di Béatrice Bonhomme hè entra ind’ì l’universu serenu è pueticu d’un’artista in armunia cù a natura è i so circondi. « Aghju scupartu a Corsica trenta anni fà è sò stata affascinata è hè cusì chì aghju avutu parechji amichi. »

Dopu à i Beaux Arts in Strasbourg, hè puru in u meziornu di a Francia ch’edda piglia a dicisioni di pona i so valisgi è i so pineddi. È po unu di i so amichi corsi hè divintatu u so maritu è Béatrice hà francatu u mari pà stallà si in issu paisucciu di a Costa Verde. « Quì mi sentu bè, a natura hè u me rifughju è a me surghjenti maiò d’ispirazioni ».

Ch’eddu si tratti di i so pitturi, i so criaturi di legnu è di tissutu o i so magli pinti di mani, spechjani a listessa dulcezza è a listessa puesia. I so criazioni sò alluminati è calurosi com’è l’ambienti di a so casa è di l’attellu duva Béatrice vi accogli. « Ogni annu, di sittembri, urganizeghju una mostra duva a ghjenti di u locu com’è i visitatori di passaghju poni vena. Semi guasgiu duicentu ogni volta ! »

Stu piacè di u scontru, hè prulungatu cù i so intarvinzioni ind’i scoli.  « Pensu chì hè un arricchimentu mutuali trà i ziteddi è eiu », cuncludi Béatrice in modu umili.