Aghjugna à u vostru librettu di strada
Natalina FIGARELLA
Spurtaghja Sporti in murta, ghjunchi, saliciu
Accolta : Attellu apartu ogni ghjornu d’aprili à uttrovi, ma hè cunsigliatu di tilifunà a vigiglia / nantu à appuntamentu da nuvembri à marzu.
I tarritorii : Casinca - Castagniccia - Costa Verde
I catigurii : L’artighjani
Strada di a sulana (village) – N°9 - Place de l’église
20215 Santa Maria Poggio
04 95 35 82 47 | 06 83 30 16 61
noellefigarella@orange.fr | natalina.odexpo.com
Quiddi chì sò avvezzi à batta i fieri paisani di Corsica ani di sicuru infattatu à Noëlle Figarella, chì si ricunnosci bè cù u so cappeddu neru, a camisgia quatritata è i so sporti.
In prima, si vedi un parsunaghju urighjinali, appena fulcloricu. Ma prestu si pò induvinà una parsunalità forti, piacevuli, passiunata è impastata di cultura corsa. Natalina hè crisciuta videndu u so babbu chì intricciaia ogni speci di vitta è di rama par fà sporti, fattoghji è dinò nassi. Zitedda ampara cusì, ancu senza ch’edda si n’avvidissi, un sapè fà chì s’hà da palisà beddu più tardi.
À a ghjuvanotta di vinti anni, passiunata di literatura, di fotò è di scontri li piaci in prima ad essa abbagliulata da a vita in cità. Ma u distinu richjappa prestu a ghjovana cummircianti carghjisana. Si ni mori u babbu senza avè pussutu compia a so ultima cumanda. Tandu li pari chì ci voli di sicuru à seguità u stessu caminu. Compia st’ultima sporta, s’impegna senza arichità à fà altri ughjetti è affina a so amparera cù i spurtaghji i più anziani di Corsica. Oghji hè maestra di a so arti è cun un sguardu solu hè capaci à ricunnoscia una fattura tipica capicursina o castagnicciaccia. Fora di u so sapè fà, hè st’amori di a spartera è di a trasmissioni chì sò oghji a so lascita a più bedda.
Contactez le producteur
Vuleti di più infurmazioni, impiiti u furmulariu siguenti è vi rispundaremi prestu