Aghjugna à u vostru librettu di strada

Pierre LUISI

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

~~Ch’è vo u scuntrate d’estate à discorre incù i turisti in a so usteria nantu à a strada chì và da Portu à Calvi o d’inguernu quand’ellu cunduce a so banda in u so paese d’Evisa, hè sigura chì ùn vi scurderete di u vostru scontru incù Pierre Luise, “pastore di u so statu” !
Difatti, eccu un persunaghju chì a Corsica tene sempre u sicretu ! S’è vo guardate i vechji ritratti di i pastori corsi tenebrosi, sguardu neru, barba longa è capelli zeppi, viderete di sigura a filiazione diretta incù Pierre LuisI. Ùn temite u cuntattu ! Daretu à u custume di u pastore, si piatta a bunumia è a generusità di l’omu.

Di sigura di più à u so asgiu incù e so capre chì incù l’omi, cunfida l’accolta di i visitadori à a so moglia mentre ch’ellu cura e capre o ch’ellu hè in traccia di munghje le.

Ma u pastore sulitariu ùn li diranghja micca d’andà à fà, di quandu in quandu, l’animatore à mezu à e tavulinate in a belluccia usteria di petra induve omu si pianta à posta per tastà i so casgi è a so salameria casana.

È u principale hè quì, in a qualità di i so prudutti chì Pierre Luisi s’impegna per prupone li à i so clienti. Quì ùn ci hè piazza per u fulcloru lucale, a cura purtata à i so animali cum’’è a scelta di l’eccellenza per i so casgi è u so brocciu sò virtù cardinale chì ùn li faltaranu mai !