Aghjugna à u vostru librettu di strada

Julie ROUSSIN

Terraghja - Ceramica

Accolta : Tutta l'annata

I tarritorii : Dui Sevi-Dui Sorru - Cruzini - Cinarca

I catigurii : L’artighjani

Hè à l’età di dodici anni chì Julie Roussin scopri i so primi sinsazioni cù a terraglia, in cumpagnia di  a mamma-pignulaghja di a so amica di zitillina. Ma a ghjuvanetta ùn si pianta micca à issa prima spirienza è s’avviarà tandu versu i studii in psiculugia è un travagliu ind’u suciali. « Mi piacia u me travagliu, ma qualcosa in mè stessu mi dicia chì eru passatu à cantu à a me vera passioni », spiega a ghjovana. Tandu rinascini i so ricordi di zitillina è in quattru è quattru ottu, Julie accatasta i furmazioni cù pignulaghji cunfirmati pà cunnoscia tutti i pussibilità di stu mistieru.

È po, a sorti di a vita li parmetti di scuntrà à casu un ghjovanu cultillaghju chì, un pocu com’è ella, era statu toccu ind’a so ghjuventù da a passioni pà l’artighjanatu d’arti, è chì vinia di stallà u so attellu in u paesi de Sari d'Orcino. A ghjovana franca u passu è à tempu franca u mari è veni à sparta a so vita è u so attellu cù Bertrand (Filhol). Oghji, nutriti da st’emulazioni, u ghjovanu coppiu piglia assai piacè à fà cunnoscia i terraghji d’una è i cultelli di l’altru, à i visitatori sebbiati di scopra ind’un solu locu, dui universi artistichi sfarenti ma parò cumplimentarii.