Aghjugna à u vostru librettu di strada

Etienne SUZZONI

Clos Culombu

Vini AOP Calvi

Accolta : Tutta l’annata / ghjugnu-lugliu-aostu, senza piantà, 9 ori è mezu –setti ori è mezu di sera

I tarritorii : Balagna

I catigurii : I vini

I pruduzzioni agriculi : I Vini di Corsica

Hè in u 1973 chì Paul Suzzoni crea, nantu à tarri micca cultivati, u Domaine Culombu cù una piantazioni di 22 ettari di vigni in AOC Calvi.

Sedici anni dopu, Etienne, u fratellu minori, ripiglia a dirizzioni ! Subitu, Etienne piglia cuscenza di u putinziali ch’ella pò offra a viticultura isulana, tralasciata dipoi un pezzu. Etienne ingaghja tandu a splutazioni ind’una dinamica di valurizazioni.

“Issi tappi sò u fundamentu di a me dimarchja. Hè una sfida d’ogni ghjornu !” dici surridendu u vignaghjolu indiatu. Oghji, u Clos Culombu cunnosci una nomina internaziunali. A scumessa pari guadanta, è puru Etienne t’hà a voglia d’andà ancu più luntanu. I 55 ettari attuali sò intruti à pocu à pocu, trà u 2010 è u 2013 in l’agricultura biulogica. «I disarbanti sò difesi dipoi un bellu pezzu ! Ci paria di primura di prisirvà à u massimu i nostri tarri lucali. »

Prussima tappa : una nova piantazioni d’uvizzi antichi è u sviluppu di a biudinamia nantu à l’insemi di a prupietà. Prughjetti chì sarani eddi stessi missi in valori cù a rileva di Paul-Antoine, u figliolu maiuroni d’Etienne. Cù a stessa vulintà di missa in valori è di scuparta, a cantina di u Clos Culombu pruponi, dipoi u 2011, mostri d’artisti in leia cù a righjoni. L’uccasioni di svighjà tutti i sensi di u visitatori. !