Aghjugna à u vostru librettu di strada

Stéphanie BOUYRIE

L'Ernaghju

Campeghju à a tinuta

Accolta : Da Marzu à Ottobre

I tarritorii : Balagna

I catigurii : Cultura/natura/binistà/passatempi

I pruduzzioni agriculi : Oliu di Corsica

Smelza d’andatura, discretta è cù u surrisu francu, Stéphanie Bouyrie dirighji l’Ernaghju dipoi u 2007. A storia di a pruprietà ricolla à u 1993 quandu Camille, issu ghjovanu passiunatu d’arburicultura – è u so prumessu sposu ! – piglia a dicisioni di pona un alivetu di 1400 arburi.

« Camille hè un omu di a Tarra. Hà subitu pririfitu l’alivi parchì mischiani à tempu a nubiltà è l’arti di a pricisioni, in particulari a putera – oghji ni semi à u nostru quintu staziu di pirfizziunera ! – pà racoglia ogni annu frutti migliori ».

Stéphanie, spicializata tandu ind’u turisimu, righjugni u prughjettu in u 2001. « L’arburini aviani bisognu di cura è d’attinzioni. Ani crisciuti cù mecu è viciversa ! ». Cù a nascita di i so dui figlioli, a ghjovana mamma si cunsacreghja oramai à u travagliu agriculu. In più di campà sempri in cuntattu cù a natura, Stéphanie trova u so spannamentu ind’ì a trasfurmazioni di l’aliva. « Emi fattu l’inaugurazioni di u nostru mulinu cù a racolta di u 2014 ! A maestria sana di a pruduzzioni hè à veru a riescita di u nostru travagliu. ».

È dipoi un annu, Stéphanie sparti issa passioni cù quiddi chì facini u campeghju è ch’edda ricevi nantu à a splutazioni. « Mi garba di fà piacè à u visitatori, sarani di sicuru ricordi di u me passatu ind’u duminiu turisticu ! ». Un visitatori suddisfatu, chì in più di u cunfortu prupostu da u campeghju, pudarà scopra un insemi di savoni, cunfizziunati da Stéphanie, mai stanca !