Aghjugna à u vostru librettu di strada

Dominique RAINERI

Oliu d’aliva AOP

Accolta : Aprili-sittembri / 10 ori -1 ora è 3 ori di sera –7 ori di sera

I tarritorii : Balagna

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Daretu à sta parsona smilza è discretta si piatta un omu di canerchja ! Dominique Raineri hè praticu in parechji duminii : maestru di muru di mistieru, cummircianti è pruduttori d’oliu d’aliva. Passa a maiò parti di u so tempu à st’ultima attività dipoi u 2003. Tuttu principia cù a rinuvazioni sana sana di l’alivetu famigliali. « Issi 35 arburi erani di a me arciminnanna. Ma par via di una maghjera troppu longa, ci fù un travagliu scemu pà rimetta in statu sti trè ettari. » D’infatti ci hè vulsutu à fà l’intritoghji, à dicippà, è po pona torna alivi ghjovani chì t’ani oghji cinqui anni. Tuttu què solu !

« Era un sonniu ch’e vuliu rializà ! Ziteddu, sunniavu di custruiscia a me casa à mezu à issa pruprietà è dà torna vita à l’alivi è l’arburi fruttaghji. » Detta fatta ! A casa hè stallata bè dipoi deci anni, ma pà accoglia u visitatori in brama di calmu è di serenità. Una manera pà Dominique di mantena u duminiu cum’ellu hè.

In u 2012, hà fattu ancu una buttrega à l’intrata di l’alivetu. « Ci aghju vulsutu prima venda ligumi è frutti è po aghju pinsatu à u me oliu, parchì micca ? Un affari simplici ! » Una scelta ghjudiziosa, pà veda parta tutta a pruduzzioni ind’u mondu sanu. Una bedda ricumpensa pà stu passiunatu chì t’hà assai pratica !