Aghjugna à u vostru librettu di strada

Achille ACQUAVIVA

Domaine de la Figarella

Vini AOP Calvi

Accolta : Tutta l’annata / da uttrovi à maghju, u marcuri è u sabbatu 3 ori – 6 ori di sera / da ghjugnu à sittembri, ogni ghjornu francu a dumenica 11ori-meziornu è mezu è 4 ori -7 ori di sera

I tarritorii : Balagna

I catigurii : I vini

I pruduzzioni agriculi : I Vini di Corsica

In dirizzioni di a furesta di Bunifatu, ci sò i 24 ettari di u Duminiu di a Figarella. Achille Acquaviva ci sfrutta dipoi u 1980 una parti di i tarreni famigliali è d’altri acquistati à u filu di u tempu. Ancu s’è a ripresa di a splutazioni era un affari naturali, « u travagliu di i tarri hè quantunqua penibuli ! » adimetti vulinteri u vignaghjolu spertu, ma stu mistieru hè dinò « passiunanti par via di a so nicissità d’adattazioni permanenti à u lucali, à u gustu di u cunsumatori, à a vendita. » Adattà si dunqua, com’è qualità principali ma micca à l’incontru di i tradizioni !

U babbu d’Achille hè u piunieru in Balagna di i piantazioni cù l’inseti (sempri famigliali !) di Sciaccarellu – uvizzu endemicu nustrali. À l’epica, a curiosità andava cù l’incredulità. Ci vulia à essa sfacciatu tandu ma u sforzu ùn hè statu pà nulla ! « Aghju cuntinuvatu eiu stessu, spiega Achille, à sviluppà u sciaccarellu parchì hè adattu à u tarrenu lucali – una tarra granitica cù una rendita mizana – è u so putinziali hè strasurdinariu pà u vinu chjarasginu è u rossu ! Ci voli dunqua à fà scelti qualitativi è di sicuru l’avareti capita, adattà si ! ».

Hè ciò ch’ellu hà fattu torna Achille cumplittendu i so lenzi viticuli cù una pruduzzioni d’agrumi nantu à 12 ettari ! In vendita diretta, i sei agrumi pruposti facini parti di sta diversificazioni missa in ballu è cara à Achille Acquaviva.