Aghjugna à u vostru librettu di strada

Cathy PAOLINI

Clos Landry

Vini AOP Calvi

Accolta : D’inguernu, 9 ori - meziornu è 2 ori -5 ori di sera / d’istati, 9 ori -7 ori di sera.

I tarritorii : Balagna

I catigurii : I vini

I pruduzzioni agriculi : I Vini di Corsica

Hè à a fini di u XIX u seculu chì a famiglia Paolini unisci u so distinu à quillu di u duminiu viticulu di u Clos Landry. À st’epica, l’arcimissiavu di Cathy Paolini diventa l’amministratori di a famiglia Landry è a gistioni di u duminiu firmarà ind’u gruppu famigliali. U missiavu è dopu à ellu, u babbu di Cathy, sò incaricati di a gistioni di u duminiu, u so sviluppu è a so rinomina chì crisciarà à u filu di i seculi.

In u 1994, tocca à Cathy à piglià u seguitu ma a ghjovana piglia a rileva più pà duveri famigliali cà pà cunvinzioni fonda. « À dì la franca, ci cunnisciu pocu affari è aviu d’altri prughjetti prufissiunali ma, chì vuleti, aviu una carica da accittà è l’aghju fatta, eccu ! ». Cathy ampara dunqua u so mistieru à u filu di i vindemii, sottu à l’ochju attenti è l’aiutu di u so babbu.

Travagliusca, parfizziunista è ostinata, riesci à mantena u nivellu di u duminiu, ma riesci sopratuttu à tramandà l’attichju famigliali pà u travagliu di u vinu à u so figliolu Marc. Hè ellu oramai chì dirighji cù passioni u duminiu. È Cathy cuncludi dicendu : « Ancu s’è ùn era micca a me scelta quandu aghju principiatu, socu cuntenti d’avè fattu u me duveri quandu vecu u me figliolu piglià a rileva cù cunvinzioni è passioni. »