Aghjugna à u vostru librettu di strada

Marina ACQUAVIVA

Domaine A Ronca

Vini AOP Calvi

Accolta : Tutta l’annata / da uttrovi à maghju, u marcuri
è u sabbatu da 3 ori di sera à 6 ori di sera / da ghjugnu à sittembri, tutti i ghjorni
francu a dumenica 11ori-meziornu è mezu è 4 ori – 7 ori di sera

I tarritorii : Balagna

I catigurii : I vini

I pruduzzioni agriculi : I Vini di Corsica

Da zitedda, Marina Acquaviva passava a maiò parti di u so tempu à fighjulà u travagliu di vinificazioni ind’a cantina famigliali. Hà tinutu un ricordu dolci è passiunatu di issa immersioni ind’un mondu cusì particulari. “Com’è Obélix, sò cascata ind’a pignatta, o, hè u casu di dì la, ind’a tina !” dici scherzighjendu a ghjovana vignaghjola. U so avvena hè drittu ! Dopu à una furmazioni spicializata in Montpellier, Marina principia a so splutazioni in u 2006 cù l’ondici primi ettari. “ Sta stallazioni hè nanzu à tuttu una vulintà parsunali di vulè tramandà u travagliu di i me antichi” accerta Marina - u so babbu, Achille Acquaviva, hè pruprietariu di tarreni maiò chì toccani i soi ! Cù u stessu scopu, Marina hà principiatu, in u 2008, a riabilitazioni di vigni vechji chì appartiniani tandu à u so missiavu, è hà prupostu un vinu di prima trinca, rispittuosi di i tradizioni : u Clos Acquaviva, vindimiatu à a mani, è vinificatu ind’una botti.

In 2011, franca un’antra tappa : u sviluppu di u vignetu in agricultura biulogica.

« Hè par mè un affari primurosu ! Hè assai impurtanti oghji di pruducia prisirvendu a natura ma dinò u cunsumatori ! » I millesimi Alexandre è Marie – nomi di i so dui ziteddi – sò nati da st’ingaghjamentu. Un beddu umagiu famigliali !