Aghjugna à u vostru librettu di strada

Aurore VAILLANT - FERRERI

L'attellu d'AV

I tarritorii : Balagna

I catigurii : L’artighjani

Dopu à qualchì annu à fà cummerciu fin'à esse stroppia da u troppu di « Made in China », hà decisu di francà un passu Aurore Vaillant. « Sò una donna abbastanza manesca, dapoi a mo zitellina, è appassiunata da u legnu, conta quella chì hà da esse mamma.
 E so venature, u so odore, è a so densità, ci vulia ch'o mi ci cunsacressi propiu ! » Era l'alivu a so scelta di core, per a so simbolica (l'arburu di vita) è e so qualità naturale è estetiche chì facenu ch'ella hè unica ogni pezza. Ci tene propiu Aurore à st'unicità.
« Hè fattu tuttu à l'usu artisgianale, seguiteghja a donna. Sò l'insignamenti di i bancalari è di l'anziani prufeziunali di u legnu chì m'anu permessu d'acquistà issu sapè fà ».

 U mudernizeghja avà issu sapè fà per via di e tecnulugie nove cum'è l'intaglii numerichi. In cullaburazione cù parechji artisgiani di U Munticellu, hà avà u prugettu ambiziosu di circà à creà i mobuli. opu à avè rinnuvatu una prima cantina da fà u so attellu, in u 2016, v'accoglie oramai Aurore à l'Attellu AV, un cucculu chì l'assumiglia propiu : radiosa è spuntanea !