Aghjugna à u vostru librettu di strada

Marjorie SPURR

Enclos Des Anges

Vini AOP Calvi

Accolta : Nantu à appuntamentu.

I tarritorii : Balagna

I catigurii : I vini

I pruduzzioni agriculi : I Vini di Corsica

« Quandu elaburemi u nostru vinu, ogni tappa devi essa parfizziunata : una rendita debuli pà un massimu di cuncentrazioni ; una macerazioni longa è un allevu nantu à fundaricci fini mentri diciottu mesi pà una maturazioni chì darà vini chì sprimani tutta a cumplissità di i tarri corsi. » Una spiegazioni pricisa è tecnica ! Hè in issu filu chì Richard è Marjorie Spurr sviluppani insemi u vignetu postu nantu à l’alturi calvesi. Pà stu coppiu chì t’hà un parcorsu prufissiunali enulogicu esigenti, è parechji spirienzi viticuli furmatrici, u carattaru è l’umanu sò i dui puntelli d’una pruduzzioni in armunia. « Bisognu nanzu à tuttu à cunnoscia a sprissioni di i so sfarenti tarri à traversu à u so vinu è pruvà à intarvena u menu pussibuli », priciseghja Richard. A quistioni di l’umanu fù u so scontru cù i vignaghjoli di u rughjoni, chì l’ani incuraghjitu quand’elli si sò stallati. « Sò issi scambii, issu sensu prufondu di l’aiutu, issu sennu chì sò di primura, ci cunfidi Marjorie, nanzu di cuncluda : « Ci hè in Corsica un’energia chì esci da a Natura, è ch’è no circhemi di fà scopra par via di i nostri vini. »

Dipoi u 2007, cù a criazioni di L’Enclos des Anges, Richard è Marjorie aghjugnani cusì a l’AOP Corse-Calvi novi savori è pussibilità !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu