Aghjugna à u vostru librettu di strada

Lisa et Jean Louis VILLANOVA

Domaine de Pelliciani

Furmagliu picurinu casanu

Accolta : Fabricazioni da a fini di nuvembri à ghjugnu / vendita tutta l’annata.

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Pigliendu a piccula straduccia chì ghjugni in u Mucale vicinu à Calinzana, scuprareti non solu un scornu di Balagna incantevuli, ma fareti sopratuttu a cunniscenza d’un coppiu di pastori, Jean-Louis è Lisa Villanova, chì ani tinutu di modu sputicu a tradizioni pasturina di a righjoni.

Principiemi cù Jean-Louis : u cappeddu incalfatu, u sguardu francu è a parolla faciuli, hè un veru parsunaghju, fieru di i so radichi è di i tradizioni di a so isula ch’ellu prova à difenda.« Ch’ellu sia ind’u me mistieru o ind’ì me lotti pulitichi è sindicali, aghju sempri avutu in cori di difenda i valori antichi di a Corsica », tistimunieghja Jean-Louis.

In issu mondu mudernu qualchì volta difficiuli, t’hà a voglia a u so nivellu di ghjuvà di puntellu è di prutizzioni. Lisa, a so moglia, pari più discreta ind’ì l’accolta, ma una volta francatu u zogliu di u so casgili, hè ella chì piglia i cumandi. A fabricazioni di u furmagliu tocca à ella ! È ghjè un affari seriu. Ancu ella pudaria rivindicà una forma di militantisimu vista a so brama custanti di pirpituà stu modu di fabricazioni di u furmagliu tipicu di Calinzana.

« Hè videndu fà l’antichi ch’emi amparatu. Ind’i furmazioni agriculi, i ghjovani amparani i tecnichi ma i sapè fà hè un’antra affari ! Ci vò à campà li à veru, ùn hè solu un affari di gesti ! », cuncludi Lisa cù saviezza