Aghjugna à u vostru librettu di strada

Louis MONTEMAGNI

Domaine Montemagni

Vini AOP Patrimoniu- Muscatu AOP Capicorsu

Accolta : D’aprili sin’à uttrovi

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

U Domaine Montemagni hè un’istituzioni ind’u Nebbiu. Casa fundata in 1850, hè dinò u vignetu u più impurtanti di Patrimoniu, locu classificatu dipoi u 1u d’aostu di u 2014. Louis Montemagni, u patriarca di u paesi è u più anticu vignaghjolu di a righjoni, hà ripresu a piccula splutazioni famigliali di trè ettari, in 1954, pà curà i so vigni chì si sparghjini oghji à nantu à 110 ettari.

Dipoi guasgiu deci anni, Louis hè accumpagnatu da una squadra di siduzzioni : i so figlioli ! A maiori, Andrée – a tinata « Andria » porta d’altrondi u nomi di u babbonu maternu – s’incaricheghja di a vendita ; Viviane accupa u postu di cuntabili è Nadine s’incaricheghja di a cantina, aiutata da l’enulogu di u duminiu, Aurélie Melleray.

« U me babbu hà cunsacratu a so vita sana à cultivà  issu vignetu, ind’u rispettu di i tradizioni antichi. Li piaci issa tarra lucali, cusì priziosa par ellu. Un affari capita ! ci conta Nadine. A so energia hà sappiutu essa cumunicativa : hà datu l’impulsioni è incuraghjitu i più ghjovani, aghjusta Andrée. Emi passatu a nostra zitillina à ghjucà ind’i vigni. L’emi usservatu à u filu di tutti i tappi di a vinificazioni. À parta da u mumentu chì u nostru babbu ci hà dumandatu aiutu à a cantina, ùn emi tricatu tantu è emi rispostu prisenti, di modu naturali è insemi. Ma ùn criditi micca, cuncludi Andrée : hè sempri prisenti in i nostri ranghi à parta da cinqui ori di mani ! »

Una vera storia di famiglia chì t’ha beddi è longhi dicennii davanti à ella !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu