Aghjugna à u vostru librettu di strada

Simon ANDREANI

Domaine Fiumicicole

Vini AOP Sartè

Accolta :

I tarritorii : Sartinesi Valincu Taravu

I catigurii : I vini

I pruduzzioni agriculi : I Vini di Corsica

In l’anni sessanta, ci fubbi un cambiamentu maiò par a viticultura in Corsica chì si passò da una pruduzzioni fatta par poca ghjenti à una pruduzzioni mezu industriali. Si feci a scelta di calzi cù una rendita maiò è di a quantità inveci di a qualità. Eppuru, in a vaddi di u Rizzanesi, un vignaghjolu feci a scelta cuntraria. Cusì, Félix Andreani, criò u so duminiu cù a primura di rifà unori à i calzi tradiziunali è endemichi chì sò adatti di manera parfetta à sta tarra..

« Babbu hè statu unu di primi à travaddà cusì. Hà capitu nanzi à l’altri chì i calzi middori par i vini corsi erani quiddi chì l’antichi aviani sempri cultivatu dopu avè usservatu è amparatu di manera pricisa da a tarra isulana. », ci spieca Simon Andreani, chì hè oghji à u capu di u duminiu.

Prestu si capì chì a scelta era ghjusta chì u Duminiu Fiumicicoli hè unu trà i primi chì si facini valè par via di a qualità è a rigularità di i so vini. In u 1982, s’affacca u fiddolu Simon chì pidda a stessa strada cù a listessa filusuffia par travaddà. In cunsiquenza di sti scelti antivisti si godini sempri i vini Fiumicicoli, è dapoi più di cinquanta anni, a listessa nomina trà i vini isulani.