Aghjugna à u vostru librettu di strada

CAP CORSE MATTEI

CAP CORSE MATTEI

Distillaria artighjanali – Spiritosi – speziaria fina

I tarritorii : Corsica Livantina

I catigurii : È dinò…

Qualità, sapè fà è identità.

In cori di a piaghja urientali, accintu di vigni è d’arbureti, u Domaine Mavela, a famosa distillaria artighjanali, ùn pianta di fà crescia a so rinumata. Un’impresa di famiglia, criata ind’ì l’annati novanta, chì hà fattu a so strada !  

Daretu à a finestra vitrata, un lambiccu Holstein tamantu, d’una capacità di 1 000 litri distilla à u filu di l’annata :

• Pà l’acquavita è i licori : i frutti di u duminiu è i pruduzzioni lucali di castagna, alimea, mortula, rubu, prugna, pera william's è uva ;
• Pà u vischì : i malti di a brassaria Pietra - PM  hè u prima vischì  fattu sanu sanu in Corsica.

…È l’ultima criazioni in edizioni limitata, in cullaburazioni cù u cicculataghju Grimaldi, un licori di cicculata, una campa pà i più curiosi !

U Domaine Mavela, hè dinò 700 m2 di cantina cù volta, pà una cantina à vinu di più di 10000 buttigli (vini di bellu fondu, AOP è vini lucali) è pà una silizzioni liccataghja di i migliori prudutti artighjanali di l’isula : robba purcina artighjanali Porcu nustrale, casgi pasturecci, è dinò pasticci, cunfitturi, meli, dulciumi, cunfisarii, olii d’aliva…scelti cù passioni è esigenza.

Ci truvareti l’unicu è u « 100% Corsu », ancu nantu à i muri, postu chì ci sò parechji mostri d’artisti isulani.