Aghjugna à u vostru librettu di strada

Pierre Etienne PINCHART

SPIRULINE La spirale verte

Spirulina

Accolta : 10h - 13h, da maghju a uttobre, pigliendu appuntamentu

I tarritorii : Corsica Livantina

I catigurii : È dinò…

La Spirale Verte hè una ghjovana spluttazioni di spirulina, nata in u 2012, par via di a tinacità è a diterminazioni di u so fundatori, Pierre-Etienne Pinchart.

Pà st’anzianu cunsultanti d’orighjini belgica, spicialistu trà altru, di u sviluppu in micruecunumia, chì hà parcorsu u cuntinentu africanu, era detta chì vultaria à i so primi brami pà a so ricunvirsioni. “Socu ingigneru – agronomu di furmazioni è u me prughjettu hè sempri statu quissu : vultà in fin di parcorsu à u ‘vivu’, pudè studià par un dettu i tecnichi di u ‘fora di tarra’. Essendu qualsiasi l’affari un gattivu urtulanu !” aghjusta ridendu u pruduttori di spirulina. Pierre-Etienne scopri, deci anni fà, in Mauritania, issa micrualga di a famiglia di i cianubatterii, ditentori d’elementi nutritivi essenziali. Prima simplici cunsumatori, piglia a dicisioni di metta in baddu issa cultura in u 2010, dopu avè scupartu i paisaghji isulani, “u locu parfettu pà principià stu prughjettu è à tempu campà ci cù a so famiglia. Hè un veru prughjettu di vita !” priciseghja Pierre-Etienne.

Dopu à una stallazioni fatta cù pacenzia è di manera accurata nantu à l’alturi di Linguizzetta, Pierre-Etienne voli fà scopra oghji à tutti i benfatti è i virtù di stu ‘Cibu maestru’ !