Aghjugna à u vostru librettu di strada

Fabien BARONE

Distillerie de Pietracorbara

Distillaria - Licori

Accolta : Da u 1u aprili à u 31 d’uttrovi.

I tarritorii : Nebbiu - Capi Corsu

I catigurii : È dinò…, I toli & stanzi d’ospiti, ustarii agriculi & alloghji campagnoli

Hè cascatu ancu eddu in drentu quand’eddu era chjucu ! Ind’ì l’aromi stimulanti di citrò, d’alimei è di clementini chì a so mamma usava pà fà, in cucina, i so licori propii.

Fabien Barone hè un ghjovanu sfruttadori chì u prughjettu prufissiunali si prisintava com’è un’evidenza. In 2003 piglia forma stu prughjettu : Petracurbara avarà a so distillaria ! Ci si apppruntarà di sicuru alcoli fatti cù agrumi, spicialità di Fabien, ma dinò licori più tradiziunali com’è a mortula. U prucessu si metti in baddu …a distillaria pruduci à bastanza da chì issu ghjovanu pruduttori possi cumincià à venda i so alcoli in u rughjonu.

« M’arricordu d’avè risintutu una vera fiertà u ghjornu ch’aghju vindutu a me prima buttiglia » cusì ci dici. Dapoi, a storia hà presu un’antra strada : più bisognu di cumprà agrumi pà pruducia i so licori.  Fabien Barone hà postu i so propii arburini ; ùn ferma più cà coglia ni i frutti nanzu di falli macirà o scaldà ind’è l’alambiccu.

« A manera di fà hà da veru un’influenza à nantu à i sfarenzi di gusti, un alcolu maciratu sarà sempri più licurosu è più inzuccaratu, hè quistioni di prifirenza ! » ci dici cù surrisu. Comu ùn tena u surrisu di pettu à stu travaglionu : un lucali di 500 m², una buttrega è un caffè di tastera duva hè assai piacevuli di piglià si l’apperitivu à a ghjunta di i beddi ghjorni… cù una piccula rundella di limoni !