Aghjugna à u vostru librettu di strada

Thierry ANGOT

SCOP ARL EQUILOISIRS -FAE

Centru di turisimu equestru

Accolta : Tutta l'annata

I tarritorii : Centru di Corsica

I catigurii : Cultura/natura/binistà/passatempi

Quand’ellu ghjugni in Corsica cù a so sposa in 1991, Thierry Angot ùn devi stà cà sei mesi, u tempu d’una missioni di furmazioni. Un’ hè mai più ripartutu ! Hè da più di vinti anni ch’eddu hè liatu à sta natura incantevuli duva u cavallu, com’è eddu, pari avè trovu a tarra prumissa.

« Aghju avutu l’uccasioni di cavalcà in parechji righjoni di Francia è ind’u particulari ind’u massicciu  di i Vosges, ma una diversità simuli di paisaghji è un clima cusì dolci com’è a Corsica, ùn l’aghju trovu indocu. Quì si pò praticà a spassighjata l‘annata sana, scambià l’itinerarii trà mari è muntagna, tastà prudutti di u lucali d’una qualità senza paragonu, andà à scuntrà parsoni chì sani cuntacci u so paesi cù una mansa di stalvatoghji paisani è batti i sarri o galuppà nantu à una marina. Cosi incridibili ! » ci dici Thierry Angot. Hà dunqua postu i so cavalli è i so botti pà crià cù u so associu Michel u centru equestru FAE Équiloisirs, à u pedi di i muntagni curtinesi è di i spiculi di u Boziu.

Quì, aiutatu da a so squadra, parmetti à i cavallieri di Corsica o d’altrò di scopra i billezzi di a righjoni duranti i spassighjati d’unu o parechji ghjurnati è dinò di trasmetta i cunniscenzi nicissarii à l’accumpagnatori principianti. Ind’i stalli, ci hè una cinquantina di cavalli ! Pà u più sò cavalli corsi, adatti à i rilievi di l’isula è à i cundizioni climatichi.