Aghjugna à u vostru librettu di strada

Sophia KEYSERLINGK

ENC (Essences Naturelles Corses)

Olii essenziali AB - Cusmetica - Ortu - Essenzi naturali corsi

Accolta : Visita di l’ortu da ghjugnu à sittembri (in francesu è tedescu).
Puntu di vendita apartu tutta l’annata : da ghjugnu à sittembri, da u luni à u sabbatu / d’uttrovi à maghju da u luni à u vennari

I tarritorii : Casinca - Castagniccia - Costa Verde

I catigurii : Cultura/natura/binistà/passatempi

I pruduzzioni agriculi : L’olii essenziali corsi

Quandu u babbu d’Albrecht dicidi di vena à impiantà si in Corsica cù a so moglia in u 1962, pensa chì l’isula hè un locu strategicu : hà campatu i dui guerri mundiali è credi chì campà in un’isula pruteghji da a disgrazia. Micca luntana di l’Alimagna, a Corsica pari essa un locu prasceltu par praticà l’agricultura.

Albrecht hà trentasetti anni quand’eddu veni à ritruvà babbu è mamma par sustenali in l’impresa di famiglia spicializata cù l’agrumi. Piglia una dicisioni impurtanti è cambia di vita : laca à Stuttgart induva hè psicanalista dapoi più di deci anni. Prima hè solu uparaiu agriculu in a splutazioni, capisci prestu l’intaressu di a cultura biulogica. Volta uni pochi di mesi in Alimagna par suvità una furmazioni. Quand’eddu torna in u 1982 s’impegna nantu à sta strada è si piglia di passioni par i pianti arumatichi corsi chì s’aghjustani prestu à a pruduzzioni agricula. In u 1993 s’apri a distillaria.

Cun umilità è ascultendu à l’altri è dinò a natura, Albrecht hè sempri à pruvà mischji novi par ricaccià tutti i sustanzi da i pianti isulani. « Ùn sò micca un criatori. Cercu un muscu, u più naturali, pruvendu di stà u più fidu pussibuli. Ùn ci hè nudda più distintu, par un dettu, cà i prufumi statinali in alta muntagna… »

A vostra  spassighjata à vena sarà un mumentu dolci di meditazioni in u giardinu d’odori d’Albrecht !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu