Aghjugna à u vostru librettu di strada

Jacqueline et fils (David) MARTINO

U Cantu

Toli par l’ospiti - Camari d'ospiti

Accolta : Da novembri à marzu, vennari è sabbatu (sarratu di ghjinnaghju) / da aprili à uttobri, ogni ghjornu.

I tarritorii : Sartinesi Valincu Taravu

I catigurii : I toli & stanzi d’ospiti, ustarii agriculi & alloghji campagnoli, L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Pudia essa a storia di un ziteddu di u paesu, chì praticaia l’addevu com’è u babbu è i frateddi, chì avia u rispettu di a so tarra è i so tradizioni. Pudia essa dinò una fola di un truvatori di i tempi d’oghji chì andaia in tutti l’alberghi di ucantonu par lampà una boci è fà rinvivì l’ambienti fistivu di i veghji antichi. Ma, fatta fini, avemi i dui à tempu da quandu Adelio s’hè lacatu a ghitarra in casa, in Livesi, induva oramai ricevi i so ospiti cun piacè in cumpagnia di a so moglia Jacqueline. Ci spieca :

« Mentri tanti anni, finiti i tempi di tumbera, rispundia à ogni chjama di i me amichi par vena à fà sirati in i so alberghi. Po, un ghjornu aghju dicisu di falla ind’è mè criendu toli è camari par l’ospiti cù a me moglia chì si sbroglia cusì bè in cucina ». Ùn ci hè vulsutu ad aspittà tantu prima chì u locu fussi rinumatu :

« Tutti issi annati, mi sò fattu amichi un pocu in ogni locu in Corsica è ancu aldilà. Oghji, ci sò clienti chì venini rigularmenti di Belgica par ritruvà a nostra cucina, a nostra salamaria è l’ambienti calurosu di i nostri sirati », ci cunfidi Adelio, sempri felici è cuntenti.