Aghjugna à u vostru librettu di strada

Angeot et Nadia ANDREUCCI

U Taravu

Albergu campagnolu

Accolta : Da dicembri à aprili, da u vennari à a dumenica / da maghju à uttobri, ogni ghjornu.

I tarritorii : Sartinesi Valincu Taravu

I catigurii : I toli & stanzi d’ospiti, ustarii agriculi & alloghji campagnoli, L’addevu, a robba purcina, i casgi, In ghjiru à l’alivu è u castagnu

I pruduzzioni agriculi : U Prisuttu, U Lonzu, A Coppa di Corsica, A farin castagnina corsa

In fatti di gastrunumia, l’albergu di u Taravu si godi oghji una nomina tamanta in tuttu u rughjonu par via di a qualità di a so cucina corsa cusì sapurita, ma forsa dinò di a parsunalità di i so pruprietarii chì ani vulsutu tena un locu à u so parè : sputicu è accuglienti.

Principiemu cù Angeot : eccu un omu schietu chì parla forti, lampa chjami à i so clienti è metti ancu à tarruccà cun eddi, è chì ni diceni ? bramani di cuntinuà è tandu, si pò omu chera sè ùn hè issu omu a vera attrazzioni di l’albergu. Ma senza schirzà è lachendu da cantu a so sembianza d’umatali, v’hà da riceva un travaddadori ch’ùn arricheta mai, passiunatu di a so tarra è di u so mistieri. Ci voli à sapè chì prima di scialassila uni pochi di minuti cù i clienti, Angeot hà principiatu a so ghjurnatona pascendu l’animali, dendu capu à a so spluttazioni o fendu i so salami…

Nadia, cù u so surrisu francu, hà un carattaru più discretu, ma ùn ci voli à sbagliassi, hè edda a patrona in cucina ! Ùn si scorda chì a nomina di u so cumerciu è a fideltà di i clienti sò u fruttu di un’attinzioni d’ogni mumentu par mantena issa cucina di prima trinca è ginirosa chì spechja a vera identità di l’uspitalità corsa.