Aghjugna à u vostru librettu di strada

Jean-Marie et Pierre CASAMARTA

Maison d'hôtes Zella

Albergu – Camari d'ospiti

Accolta : tutta l’annata

I tarritorii : Sartinesi Valincu Taravu

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

Guitera
20153 Guitera les Bains
  06 80 92 84 46
  contact@zella.fr |   www.zella.fr

« Zella o a chjama di a Petra », pudia essa u titulu di un rumanzu chì conta comu un ghjovanu cucinaru spirimintatu è bramatu da tanti decidi d’abbandunà tuttu par vultà in u paesu nativu par salvà a mimoria di una vechja casa in petra. Hè Jean-Marie Casamarta chì, bench’eddu avessi pani è cultedda, hà fattu issa scumissa un pocu scema. « L’avia sottu à l’ochji issu vechju caseddu in petra, in pienu mezu di a splutazioni agricula di babbu è di me frateddu. Aghju avutu a brama di rialzà lu in u stessu tempu chì avia bisognu di vultà in paesu par ritruvà i me radichi in Vutera. », ci spieca Jean-Marie.

Franca u passu dopu avè riflessu bè cù i soii, faci i piani è dà un fiatu novu à issi vechji petri. Dopu à parechji mesi di travagliu si pò veda è ancu tuccà u risultatu ! Una casa magnifica in petra è in legnu posta in un licetu da induva si fighjola, in bassu, a vaddi suprana di u Taravu.

« Oghji pudemi riceva i nostri clienti in un locu di paci. In più di godasi u riposu è issi circondi divini, li prupunimi di scopra a rialità di una splutazioni agricula muntagnola è po sopratuttu a sputichezza di i prudutti ch’è no femi. ». Ma cù u so stintu chì u porta sempri à innuvà, Jean-Marie hà torna una mansa di prughjetti par fà campà stu locu in ogni staghjoni. Aspittemi par veda impazienti è cù l’acqua in bocca !