Aghjugna à u vostru librettu di strada

Pierre PRUNETA

U Curtellu Vallecallese

Cultellaghju Stazzunaru

Accolta : Tuttu l’annu

I tarritorii : Nebbiu - Capi Corsu

I catigurii : L’artighjani

Dopu à trent'anni passati inde a metallurgia in Marseglia, hè statu felice Pierre Pruneta di vultà inde u so paese nativu di Vallecalle in u 2000, à fiancu à a so moglia Mireille. “Stu ritornu era una vuluntà dapoi un pezzu, cunfideghja Pierre, è cù a ritirata, ci hè stata l’uccasione ch’o sunniava!”

Inde e valisgie di stu viaghju ver’di a terra di i so antenati, arreca... a so stazzona ! “Aghju principiatu cù a stazzuneria artisgianale ma aghju sempre avutu a voglia è u prugettu di fà i cultelli”, seguiteghja l’omu, chì hà oghje 72 anni. Hè principiatu l'affare in u 1997, quandu chì li dumanda un amicu di soiu di rifà un cultellu tradiziunale compru in u Pumonte. Studieghja Pierre a so cuncipitura, sviluppeghja a so tecnica propria è face di rigalu e so pruduzzione à vene ! Hà da francà u passu di a cummercialisazione in u 2013, cù a so prisenza nant'à u mercatu d'Oletta, paese di u Nebbiu.

U so attellu (“cuncipitu puru nanzu à i piani di a casa !”, s’amusa Mireille), appesu à e cime di Vallecalle, supraneghja tutta a piaghja verdichente di a Conca. Hè Pierre un cultellaghju appassiunatu, atipicu, chì ùn vole entre inde “e norme” ma chì accudisce per fà ch’elle rispechjinu e so creazione stu tempu passatu à stazzunà tutte e faie à a manu : autenticu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu