Aghjugna à u vostru librettu di strada

Florence SANTONI VITTORI

Atelier Florence Santoni

Artista Pittore - Artighjanatu d'Arte

Accolta : Tuttu l’annu cù un appuntamentu.

I tarritorii : Corsica Livantina

I catigurii : L’artighjani

Dopu à avè passatu i so primi ansci di vita trà Marseglia è Liò, hà intesu Florence Santoni-Vittori u bisognu di ritruvà e so radiche è un locu sceltu da avvià i so sonnii è a realizazione di i so prugetti. « Campu è travagliu in Corsica inde u mo attellu-mostra, impronta da a bellezza di a natura chì c’avvinghje. Aghju sceltu di ritrascrive u mo mondu emuziunale è issu sintimu d’unità intesu in st’universu chì u smaraviglià ùn hè mai luntanu è a carica emuziunale vene sempre furtissima » ci dice l’artista. 

Impachjucula di natura, sfrutta Florence diverse tecniche : acquarelle, pastelli, faienza…è tramanda quellu sapè dendu capu à attelli d’arte plastiche per i zitelli è i maiò in e scole o i stabilimenti penitenziarii. Dipoi qualchì annu avà, s’hè innultrata in u so travagliu artisticu persunale è sperimentatu cù maestria in u so attellu cusì luminosu a tecnica di u smaltu à l’oliu chì li piace tantu a lindezza è a finezza.

Undighjeghjanu e so opere trà i dui universi belli spiccati ma à spessu cumplementarii. « A natura hè a mo fonte prima d’ispirazione è si ritrova logica inde una parte di a mo opera. Eppuru realizeghju opere più persunale induve u simbulisimu è l’onirisimu occupanu una parte larga è mi permettenu di rispechjà e mo emuzione più intime ».