Aghjugna à u vostru librettu di strada
Laura SANSONETTI
Sole Arte
I tarritorii : Centru di Corsica
I catigurii : L’artighjani
A sulia - Serragiu
20231 Venaco
06.22.15.16.00
laura.sansonetti2@gmail.com | www.solearte.fr
S'è vo circate à scuntrà à Laura Sansonetti nant'à e fiere artisgianale di l'isula o à u Fab-Lab di Corti, hè più sicuru ch'è vo a trovite inde u so picculu attellu-galeria, in core à u paese di Venacu, da pudè capisce tuttu u so universu artisticu è creativu.
Si hè tissuta issa sperienza prufeziunale longu à i scontri, à e leie umane, ma dinù cù issa curiosità di sperimentà parechji mediumi è materiali : "e mo urientazione numerose inde i duminii di u stilisimu, di a cumunicazione, di l'arte è di l'artisgianatu sò state, ogni volta, sfide nove o pretesti da fà creazione. Da designera di tessile, da graffista-macchettista, è oghje da creatrice di ghjuvelli, anu cuntribuitu tutte isse pratiche à custruisce a mo identità artistica sempre in evuluzione", dice a creatrice.
Oghje sempre, ricuseghja Laura di lascià si chjode inde una disciplina, è muta cù a listessa felicità è u listessu ardore trà a cuncepitura di ghjuvelli, u disegnu, a pittura è l'insignamentu di l'arte.
Eppuru, ùn si mancherà di prezzà e so creazione uniche di ghjuvelli mazziati, fatti tutti à a manu, chì li hè cunsacrata una piazza larga.
Si pò ancu riservà un staziu individuale di creazione di ghjuvelli incù l'artista, una sessione d'una ghjurnata inde u so attellu, è riparte cù a so opera originale.
Accolta : apertu tuttu l'annu pigliendu un appuntamentu.
Urarii di lugliu è d'aostu : da 10 ore di mane à 1 ora di dopu meziornu è da 6 ore à 8 ore di sera.
Si facenu i stazii inde l'attellu tuttu l'annu.
Contactez le producteur
Vuleti di più infurmazioni, impiiti u furmulariu siguenti è vi rispundaremi prestu