Aghjugna à u vostru librettu di strada

Florence ARRIGHI

NASCE

Accolta : Accolta : d’aprile à Uttobre (cumpresu) / u restu di l’annu pigliendu appuntamentu.

I tarritorii : Nebbiu - Capi Corsu

I catigurii : L’artighjani

L’attellu di mostra Nasce, creatu in u 2016, supraneghja a magnifica è intrigante piaghja di Nonza. Un panurama maravigliosu chì Florence Arrighi ne cunnosce tutti i sicreti. Ci hà anzi tuttu cuncipitu, in u 2014, Sainte-Julie, scultura di petra, illuminata u 15 d’aostu da l’abitanti di u paese.

“Aghju principiatu à pintà nantu à petrucce incù i mo figlioli - chì sò una priurità in a mo vita di donna. Da u ghjocu, da u spannamentu educativu. Si sò fermati, aghju cuntinuatu !” dice scherzendu. Dapoi u principiu di a so pratica autodidatta, l’artista s’hè custrutta u so spaziu di libertà – essenziale à ogni attu creativu – chì e custrizzione familiale, l’alluntananza geugrafica è tutte e restrizzione in leia incù e so cundizione di vita anu solu rinfurzatu.

“Pocu impreme a pezza realizata, spiega Florence, a so forma, i materiali è l’estru sò sempre in leia incù u locu è ci hè una vulintà d’avè sensu è cuerenza.  A forza di u paisaghju è a presenza di l’elementi sò a linea direttrice chì, di modu naturale, seguitanu i visitadori”.

A galleria Nasce urganizeghja ancu, d’estate, attelli d’asgiu creativu per i zitelli, chì leanu a persona è u spiritu in core di a natura. “Chì l’essenziale hè di truvà un mezu di sprime si, pocu impreme da induve omu vene è induve omu hè” cunclude incù filusufia Florence.