Aghjugna à u vostru librettu di strada

Jean-Noël GUILLAUMIN

Cultillaria Fiammi stazzunati è fiammi Damas

Accolta : Tutta l'annata

I tarritorii : Nebbiu - Capi Corsu

I catigurii : L’artighjani

Stallatu in a piaghja di a Conca d’Oru, vicinu à u lavu di Padula, Jean-Noël Guillaumin otteni u statutu di cultillaghju prufissiunali in u 2004. Passiunatu da st’artighjanatu dipoi a so ghjuventù, Jean-Noël fabbricheghja pezzi unichi dipoi più di quindici anni. Da u culteddu tradiziunali di pastori corsu sinu à i culteddi piighevuli cù i micanisimi i più cumplessi, sò fatti tutti senza mudellu.

“Aghju principiatu cù u stilettu, un culteddu assai identitariu...uni pochi di studii anu palisatu i so specificità, in particulari i so diminsioni è i formi unichi prisenti in Corsica à u XVI u seculu. Cù st’amparera, aghju avutu a voglia di pruducia pezzi di più in più finiti. Hè statu tandu una primura pà mè d’alzà l’artighjanatu à un niveddu altu. D’andà sempri più luntanu in a tecnicità è l’imaghjinazioni.”. U criatori affina u so sapè fà acquistendu materiali avanzati ; hè oghji capaci à rializà, par un dettu, u so propriu acciaghju soprappostu, distinatu à i so più belli opari.

“Ogni culteddu novu chì sorti da l’attellu hè par mè com’è una sfida. Da un puntu di vista  tecnicu è esteticu, pregu da ch’eddi rispondini bè à l’esigenzi di i me clienti”. Pà u più gran piacè di l’amatori avisati !