Aghjugna à u vostru librettu di strada

Sylvia LOUISIADE

Attellu tappizzaria è dicurazioni

Accolta : Tutta l'annata

I tarritorii : Nebbiu - Capi Corsu

I catigurii : L’artighjani

Dissignatori è pittori di furmazioni, Sylvia Louisiade hè un designer tessili di talentu. Dopu à avè travagliatu in Parighji pà sartori rinumati com’è Pierre Balmain è Guy Laroche, piglia a dicisioni di vultà in Corsica cù i so ziteddi.

« U me parcorsu prufiziunali hè liatu di modu intimu à a me storia parsunali. » ci dici cù pudori.

Nantu à a strada di u ritornu, piglia u tempu d’allargà i so cumpitenzi amparendu u mistieru di tappizzera in Revel, cità rinumata di mobuli d’arti di Haute-Garonne, po ritrova in 1999 a casa famigliali di Pieve. « U ritornu à u paesi avia u sensu pà mè di rimetta in baddu l’attività lagati da i mei, ognitantu custretti à l’esiliu. ». Ind’i tempi, a righjoni era riputata pà l’abbundanza di i so aliveti, Sylvia pruduci dinò uni pochi di buttigli d’oliu d’aliva in più di i so criazioni.

L’armunia di  i culori, a ricerca di tessili priziosi, l’ispirazioni presa ind’a natura custituiscini i fundamenti  di u so travagliu ch’edda arricchisci senza mai piantà, scuntrendu antiquarii, osteriaghji è bancalari. « Vocu  ind’è a ghjenti. Hè ind’ì l’intimità d’ogni famiglia ch’eddi si capiscini i brami, l’attesi… Parchì ci voli à adattà i tissuti à u modu di campà d’ognunu »

T’hà una scelta maiò di tissuti, in particulari quiddi di i casi d’edizioni Pierre Frey è Manuel Canovas, ciò chì li dà una libertà di sprissioni chì v’incantarà è purtarà a gioia in a vostra casa !