Aghjugna à u vostru librettu di strada

Yves ANDREANI

A Stazzona di San Martinu

Attellu cultillaria d’arti

Accolta : Tutta l’annata

I tarritorii : Nebbiu - Capi Corsu

I catigurii : L’artighjani

À u pedi di a ghjesgia San Martinu, l’anziana stazzona di Patrimoniu hè com’è un fanali à mezu mari : nanzi, a ghjenti di u paesi li piacia à ritruvà si ind’è u so calori è u so lumi… Oghji spampigliuleghja torna è attrai sempri i visitadori…ma ùn hè più a stessa luci ch’eddi cercani quì : a biddezza di i culteddi è di i daghi d’Yviu Andreani luci com’à middi fiammi ind’a stazzona divintata l’attellu di l’artighjanu.

Pà Yviu, a passioni di i beddi culteddi ricodda à a zitiddina : ma hè u scontru cù Saveriu Biancarelli, altru cultiddaghju corsu, chì ferma à l’urighjini di a so stallazioni. Ricunnisciutu à u so ghjiru ind’u mondu di a cultiddaria isulana, Yviu prifirisci u culteddu tradiziunali U Curnicciolu, u famosu culteddu di pastori in corru de capra, di beccu, d’arghjetu è in legni lucali (alivu, ghjineparu, albitru, listincu…)

Culteddi di cucina, d’uffiziu, di caccia è di stazzona è cù a fiamma martiddata… tutti issi pezzi sò unichi. Pà a vita d’ogni ghjornu o in virsioni priziosa cù i fiammi Damas ; portani in eddi  i sicreti d’un travagliu minuziosu è d’un sapè fà anticu.

Quand’ellu si dumanda à u maestru di a stazzona di difiniscia pricisamenti u so mistieru, li piaci à ramintà, com’è pà intratena u misteru « l’opara hè cumplessa è abbisogna a cunniscenza di parechji tecnichi. Ma ch’ellu si tratti di stazzunà o di crià una cultedda nova, u pinseru ferma sempri ind’ì l’idea di prupona un ughjettu sputicu è di qualità »