Aghjugna à u vostru librettu di strada

Marie Paule TREBOR

Urtulime AB

Accolta : Da maghju à ottobre, ogni ghjornu

I tarritorii : Sartinesi Valincu Taravu

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

Pont de Rena Bianca - RT40
20110 Propriano
  06 22 71 32 97
  gerardtrebor@yahoo.fr

Da u 1968, toccu l’estate hè bramosa a ghjente di paspà i frutti è i legumi di u « ponte d’Arena Bianca » cum’è tutt’ognunu i chjama. L’urtulime hè un’attività chì si trasmette di leva in purleva in issa famiglia, oghje hè a terza generazione à praticà la. Di estate sò carchi i banchi di robba urtulana biulogica ch’ellu pruduce u coppiu. Pomidori, zucchini, fasgioli, miloni, patecche… U listinu si puderia torna allungà di i frutti è di i legumi prudutti sopr’à locu, vicinu à u spaziu di vendita diretta.

« Emu fattu a scelta, una quindecina di anni fà, di u biulogicu. À parè nostru, ùn ci era mancu più bisognu di pone si a dumanda, era una evidenza. » Ogni matina, si affaccendeghja Gérard à mezu à l’ettari di e so culture : racoglie quì, annacqua quallà, più indà face funziunà u spaventa acelli. « Simu furtunati di pussede isse terre vicine à a foce di u Rizzanesi. A natura l’hà fatta fruttivera issa terra è, guasi guasi, ùn veneria necessaria di annacquà certe lenze. L’acqua di u fiume entre luntanu in e terre. »

Una terra ricca, assulanata è bè, cù l’acqua chì li abbisogna, è soprattuttu un travagliu cuntinuu fattu cun passione, eccu cum’ella si puderia spiegà a brama ch’ella hà a ghjente di i frutti è di i legumi di Gérard è Marie-Paule Trebor.