Aghjugna à u vostru librettu di strada

Anton Santu MARCHINI

U Sole di Meria é U legnu Santu

Urtaglia -

Accolta : Tutta l'annata.

I tarritorii : Nebbiu - Capi Corsu

I catigurii : In ghjiru à l’arbureti è l’orti

À a fini di l’annata 2008, Anton’Santu Marchini piglia a dicisioni, dopu à dodici anni passati ind‘u duminiu terziariu, di cambià versu ! L’uppurtunità criata da l’Association Foncière Pastorale (AFP) in Meria li dà l’uccasioni d’ottena un tarrenu.

« Hè da veru una cunvirsioni fora di i normi parchì ind’a me famiglia, nimu ùn esci da u mondu campagnolu ! Ma aghju avutu u bisognu, à un mumentu datu di a me vita, di vultà à l’urighjini, à ciò chì mi pari di primura » conta u ghjovanu agricultori.

Dopu à u so diplomu, Anton’ Santu principia a so attività di maghju 2010 cù a rinuvazioni d’un alivetu di 150 arburi, è po un annu dopu cù stu primu ettaru cù i prudutti di l’ortu. À fiancu à ellu, Mélanie, arburicultrici, l’aiuta pà a valurizazioni di i pruduzzioni. Fabbricheghja in particulari cunfitturi diliziosi, da un frazà i soprapiù. Hè da veru un arti di campà !

In più d’un passaghju prussimu in Agricultura Biulogica (AB) è d’un spaziu  assistatu pà a vendita diretta sopra à locu, ci hà da essa una buttrega in u paesi di Castellu, nantu à a cumuna di Luri. Fattu di u distinu, issa buttrega hà da apra à u listessu locu duva ci era, tempi fà, a buttrega di u paesi. Un ritornu à i primi vucazioni pà tutti !