Aghjugna à u vostru librettu di strada

Laurent et Claudine GERANDI

E RONDOLINE

Clementini IGP – Citrò (aranci)

Accolta : Nantu à appuntamentu / vendita di clementini, nuvembri è dicembri / Citrò (aranci), da ghjinnaghju à marzu / visita di frutteti d’aprili à uttrovi + merenda cù frutti trasfurmati, da u luni à u sabbatu nantu à appuntamentu (veda i prezzi à nantu à u situ).

I tarritorii : Corsica Livantina

I catigurii : In ghjiru à l’arbureti è l’orti

I pruduzzioni agriculi : A clementina di Corsica

Hè prima a storia d’un scontru, quillu d’un agricultori avvezzu à travaglià a tarra cù passioni è d’una prufissiunali di u turisimu avvezza à l’accuglianza di u publicu è bramosa di cunsiglià li pà una scuparta di a Corsica più ghjusta.

« Eru stumacata di veda i turisti avvià si solamenti ver di i marini. T’aviu a brama di veda li scopra a Corsica agricula è travagliadori ch’e cunnoscu par via di Laurent » ci cunfidi Claudine.

Detta fatta, a ghjovana donna assai dinamica cunvinci u maritu d’apra u duminiu à u publicu. « A clementina corsa t’hà una rinomina tremenda, ma i turisti devini capiscia ch’edda ùn cresci sola è chì ci sò l’omi chì travagliani ogni ghjornu pà guarantiscia a so qualità », aghjusta Claudine.

Dipoi uni pochi d’anni, Claudine è Laurent accoglini visitatori ch’eddi sensibilizeghjani à a cultura di l’agrumi in Corsica.  « Sò assai d’accunsentu è dumandani ognitantu rinsignamenti belli pricisi. Da pocu tempu, emi ricivutu studienti austriachi in brama d’infurmazioni è di scuparta. Era un scontru riccu tantu per elli cà par noi ! » dici in cunclusioni u coppiu passiunatu.