Aghjugna à u vostru librettu di strada

Jean-André et Aurore CARDOSI

Domaine de Vignarella

Clementini IGP/AB - Chivì IGP/AB

Accolta : Da nuvembri à farraghju, luni, marcuri, sabbatu.

I tarritorii : Corsica Livantina

I catigurii : In ghjiru à l’arbureti è l’orti

I pruduzzioni agriculi : A clementina di Corsica, I frutti è ligumi di Corsica

« Aghju principiatu a me carriera ind’un duminiu viticulu di a righjoni, ma a me vera passioni era l’arburicultura », spiega di modu naturali Jean-André Cardosi. Cusì quandu si prisenta l’uccasioni in u 1979, ùn trica tantu è compra i tarri è scegli di fà a cultura di a clementina corsa è di u chivì.  In qualchì decenniu, hè crisciutu u duminiu  sinu à fà oghji 40 ettari. Sò passati l’anni, ma a passioni, ella, hè sempri quì, è l’hà trasmissa à a so figliola di manera naturali. « Cù a ghjunta di a me figliola nantu à a splutazioni, aghju u sintimu d’avè riisciutu a me sfida : campà di a me tarra è tramandà a me passioni à a me sterpa ! » cunfidi cù umilità Jean-André Cardosi, cù un surrisu. « In più, cuntinuveghja Jean-André, socu chì me figliola hà da fà prugrissà u duminiu à bona via ».

Pinseti chì issu fattu parmittarà à Jean-André Cardosi di goda d’una ritirata bè miritata ? Mancu à pena ! « Voltu à i me primi passioni è socu in traccia di pona quachì solcu di vigna pà u me piacè. ». Allora si vidarà un ghjornu un vinu isciutu da u duminiu di Vignarella ? A risposta da quì à qualchì annu !