Aghjugna à u vostru librettu di strada

Xavier CALIZI

LES CEDRATS DU CAP-CORSE

Alimei corsi cunfitti - Licori - Frutti cunfiti – Cunfitturi

Accolta : Da lugliu à uttrovi nantu à appuntamentu

I tarritorii : Nebbiu - Capi Corsu

I catigurii : È dinò…, In ghjiru à l’arbureti è l’orti

I pruduzzioni agriculi : I frutti è ligumi di Corsica

Imprisariu in materiali di custruzzioni, Xavier Calizi piglia a dicisioni in 2008, à l’età di 37 anni, di metta torna in cultura i tarreni famigliali in Barrettali, u so paesi nativu. Dopu avè diccippatu è sgaghjatu sottu à i lamaghjoni l’anziani ripe, sti muri di siparazioni trà i sfarenti orti chì accupavani tandu a cumuna sana, poni 4 ettari d’alimei è principia a longa è dilicata trasfurmazioni di l’alimea.

« A catena di fabricazioni hè lenta. Ognitantu si passa un mesi trà a cugliera è u pruduttu finitu ma hè a cundizioni di a sputichezza, un pegnu di qualità pà stu fruttu identitariu, emblematicu di Capicorsu »

Xavier s’hè trovu subitu una passioni pà a storia stunanti di stu fruttu. Una passioni è parechji cunniscenzi ch’eddu brama di sparta : « Ùn si pò fà campà tornu l’alimea in u rughjoni senza pinsà à tramandà issu sapè à i ghjinirazioni novi. Hè par mè un scopu cuntinuu. » In issu filu, Xavier appronta una cullizzioni di 50 arburi  chì parmittarà à u ghjovanu publicu di scopra da quì à trè anni i quindici variità di « l’arbre à pommes », chì a più eccezziunali ferma l’alimea ‘maxima’ chì pò pisà sin’ à 8 chilò !

Sè deci anni fà aviati intarrugatu Xavier Calizi, nantu à i carattaristichi di l’alimea, di sicuru chì avaria tribulatu pà risponda. Oghji ammaestra bè u sughjettu è ùn si poni cà una quistoni sola :  « Induva aghju da pona un’antra alimea ? »