Aghjugna à u vostru librettu di strada

Marc BOXBERGER

L'Ortu e a Manera

Ziferanu - Cipolle di u Capicorsu

Accolta : Pà a vendita di cipolle di u Capicorsu : à parta d’aostu.
Pà u ziferanu, a racolta si faci d’uttrovi è nuvembri (vendita tutta l’annata)

I tarritorii : Nebbiu - Capi Corsu

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

Hè beddu più cà un fiori cun muschi fini è dilicati, beddu più cà una spezia chì dà stu beddu culori giaddu à i nostri piatti in cucina, più dinò cà una pianta midicinali…u ziferanu hè a cultura a più preziosa di u mondu dapoi i tempi i più antichi.

Maravigliosu, raru, preziosu u ziferanu, hè apposta ciò chì hà incantatu Stéphanie Scavino è Marc Boxberger…Ma campi di ziferanu in Capicorsu ?  Mai ùn si n’era vistu nanzi ! Ci vulia ad essa arditi…ma si pudia fà ! A prova ? U ziferinaghju di u Capi hè una bedda splutazioni impiantata in Siscu. Hè un locu magicu induva cambiani spessu i culori. « U fiori di u ziferanu hè à tempu magnificu è stunanti. » ci spieca Stéphanie Scavino.  « Mai ùn si sà nanzi u numaru di fiori chì sarani sbucciati in a nuttata. Trenta ? o puru middi ? andemu sempri in furia à scopra u campu a mani matina ! »

A cultura di u ziferanu hè solu naturali, a cugliera di i fiori si faci à manu è cun cura. Dipendi tutta a so putenza, u so gustu rillivatu è u so culori di una faccenda impurtanti : u siccà. « I fiori sò tagliati à manu, po si sbuchjuleghjani fendu casu à ùn spiccà i trè filamenti rossu foschi di u pistillu. » A sapeti chì ci hà da vulè 200 fiori par pruducia 1 grammu di ziferanu ?

Quasgi piacevuli quant’è u crocus sativus, natu com’è eddu da un bulbu, a civodda dolci di u Capicorsu hè un’antra pruduzzioni di Stéphanie è di Marc. Hè un incantu sta dulcezza è sta civodda hè cunnisciuta da tutti i gran cucinari di Corsica…A so finezza è u so muscu ani aghjà cunvintu tutti i bocchifini !

"A ziferaniera di u Capicorsu hà fattu nasce à l'Ortu è a manera in u 2019, per mette à l'onore nanzituttu u so ORTU, inde tutta a so diversità : ziferanu, legumi, arburi fruttiferi... .

"Ritruvemu u caminu di i nostri orti, u fundamentu di cio chi facia tandu a vita di i nostri paesi"!!