Aghjugna à u vostru librettu di strada

Christian MONS CATONI

Oliu d’aliva AOP

Accolta : Da ghjugnu à sittembri
Visita di u duminiu nantu à appuntamentu

I tarritorii : Nebbiu - Capi Corsu

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Viaghjendu trova a so armunia. L’accadi a matina di niguzià cù l’Emirati a vendita di l’ultimu aviò Rafale…è u dopu miziornu di cuntrullà a saluta di i so alivi. Hà una parsunalità forti Christian Mons Catoni…è spichja da veru u spiritu capicursinu : apartu, libaru, curaghjosu.

In u 2005 decidi di dà un fiatu novu à u duminiu di a famiglia disbitatu dapoi dighjà più d’un seculu. Ci spieca : « Quantu mi facia pena ! Oghji sò fieru d’avellu missu in valori. » È ci hè di chì essa fieru ! Oghji,  hè com’è s’eddu fussi vultatu u Paradisu nantu à sti tarri d’una biddezza senza paru. Hà ricuminciatu a cugliera di l’alivi è s’hè ricuminciatu à fragnà.

Pratichendu una gestioni raghjunata di l’aliveti, Christian Mons Cantoni è Francis Santini, u so associu, pruducini parechji varietà di st’oru novu. « Sta fabricazioni hè un travagliu dilicatu chì si sbucina in parechji uparazioni à u filu di i staghjoni. »

Liatu strettu à a so tarra nativa, brama di fanni cunnoscia ogni ricchezza : i vini, a salameria, a farina castagnina, i casgi…tutti scelti trà i migliori sò posti à cantu à u so oliu d’aliva è i so primi buttigli di vinu di a splutazioni. I pudareti sceglia in a so buttrega cusì bè assistata o in u spaziu di risturazioni à l’intrata di u duminiu è cusì vi gudareti, à tempu, a vista stupenti nantu à l’isuli di l’arcipelagu tuscanu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu